Aagah Apni Maut Se Koi Bashar Nahin

آگاہ اپنی موت سے کوئی بشر نہیں

سامان سو برس کا ہے پل کی خبر نہیں

آ جائیں رعبِ غیر میں ہم وہ بشر نہیں

کچھ آپ کی طرح ہمیں لوگوں کا ڈر نہیں

اک تو شبِ فراق کے صدمے ہیں جاں گداز

اندھیر اس پہ یہ ہے کہ ہوتی سحر نہیں

کیا کہئے اس طرح کے تَلوُّن مزاج کو

وعدے کا ہے یہ حال اِدھر ہاں اُدھر نہیں

رکھتے قدم جو وادئِ الفت میں بے دھڑک

حیرتؔ سوا تمہارے کسی کا جگر نہیں

(حیرت الہ آبادی)

Āgāh Apnī Maut Se Koī Bashar Nahīñ

Sāmān Sau Baras Kā Hai Pal Kī Ḳhabar Nahīñ

Aa Jaa.Eñ Rob-E-Ġhair Meñ Ham Vo Bashar Nahīñ

Kuchh Aap Kī Tarah Hameñ Logoñ Kā Dar Nahīñ

Ik To Shab-E-Firāq Ke Sadme Haiñ Jāñ-Gudāz

Andher Is Pe Ye Hai Ki Hotī Sahar Nahīñ

Kyā Kahiye Is Tarah Ke Talavvun-Mizāj Ko

Vaade Kā Hai Ye Haal Idhar Haañ Udhar Nahīñ

Rakhte Qadam Jo Vādi-E-Ulfat Meñ Be-Dhaḍak

'Hairat' Sivā Tumhāre Kisī Kā Jigar Nahīñ

Aagah Apni Maut Se Koi Bashar Nahin - Ghazal