تو نے دیوانہ بنایا تو میں دیوانہ بنا
اب مجھے ہوش کی دنیا میں تماشا نہ بنا
یوسفِ مصرِ تمنا تیرے جلوؤں کے نثار
میری بیداریوں کو خوابِ زلیخا نہ بنا
ذوقِ بربادی ءِ دل کو بھی نہ کر تُو برباد
دل کی اجڑی ہوئی بگڑی ہوئی دنیا نہ بنا
عشق میں دیدہ و دل شیشہ و پیمانہ بنا
جھوم کر بیٹھ گئے ہم وہیں میخانہ بنا
یہ تمنا ہے کہ آزادِ تمنا ہی رہوں
دلِ مایوس کو مانوسِ تمنا نہ بنا
نگہِ ناز سے پوچھیں گے کسی دن یہ ذہیں
تو نے کیا کیا نہ بنایا کوئی کیا کیا نہ بنا
Tags:
POETRY